మెట్ పల్లిలో ఉత్సాహంగా సాగిన 2కే రన్
మెట్ పల్లి:(కోరుట్ల) ప్రతినిధి, అక్టోబర్ 31 (ప్రజాకలం) : రాష్ట్రీయ ఎక్తా దివాస్ సందర్భంగా శుక్రవారం మెట్ పల్లి పోలీసులు పట్టణంలో రన్ ఫర్ యూనిటీ నిర్వహించారు. ఉదయం 7 గంటలకు పట్టణంలోని పోలీస్ స్టేషన్ నుండి జాతీయ రహదారి మీదుగా బస్ డిపో చౌరస్తా వరకు 2కే రన్ నిర్వహించారు. రెండు కిలో మీటర్లు పట్టణంలోని యువకులు, రాజకీయ నాయకులు, ప్రజాప్రతినిధులు, పోలీస్ అధికారులు, న్యాయవాదులు, సిబ్బంది ఉత్సాహంగా పరిగెత్తారు. ఈ సందర్బంగా మెట్ పల్లి డీఎస్పీ రాములు మాట్లాడుతూ… అక్టోబర్ 31 సర్దార్ వల్లభాయ్ పటేల్ జయంతి సందర్బంగా ఏక్త దివాస్ కార్యక్రమం నిర్వహిస్తున్నామని, ఇలాంటి కార్యక్రమం వల్ల దేశం మొత్తం ఒకటిగా, ఐక్యంగా ఉండాలని పిలుపునిస్తున్నామని అన్నారు. ఈ కార్యక్రమంలో మెట్ పల్లి సీఐ అనిల్ కుమార్, ఎస్సై కిరణ్ కుమార్, ఆల్ రౌండర్ గంగాధర్, మున్సిపల్ సిబ్బంది ముజీబ్, విద్యార్థులు, పలువురు ప్రజా ప్రతినిధులు, రాజకీయ నాయకులు, యువజన సంఘాల సభ్యులు తదితరులు పాల్గొన్నారు.
