గజ్వేల్లో వైభవంగా ఎడ్ల బండ్ల ప్రదర్శన
గజ్వేల్లో వైభవంగా ఎడ్ల బండ్ల ప్రదర్శన
– ప్రారంభించిన వంటేరు ప్రతాపరెడ్డి
గజ్వేల్, 19 మార్చి 2026 :
ఉగాది పండుగను పురస్కరించుకొని సిద్దిపేట జిల్లా గజ్వేల్ పట్టణంలో సాప్రదాయబద్ధంగా నిర్వహించిన ఎడ్ల బండ్ల ప్రదర్శన (ఎడ్ల బండ్లు తిరిగే కార్యక్రమం) స్థానికులను విశేషంగా ఆకట్టుకుంది. ఎర్రవాడ బాలు మరియు వారి కుటుంబ సభ్యుల ఆధ్వర్యంలో ఏర్పాటు చేసిన ఈ కార్యక్రమానికి బిఆర్ఎస్ పార్టీ గజ్వేల్ నియోజకవర్గ ఇంచార్జి వంటేరు ప్రతాపరెడ్డి ముఖ్య అతిథిగా హాజరై ఘనంగా ప్రారంభించారు. ఈ సందర్భంగా ప్రతాపరెడ్డి మాట్లాడుతూ తెలంగాణ సంస్కృతి సంప్రదాయాలకు ప్రతీకలైన మన పండుగలను, గ్రామీణ క్రీడలను కాపాడుకోవాల్సిన బాధ్యత అందరిపై ఉందన్నారు. రైతులతో విడదీయలేని బంధం ఉన్న ఎడ్ల బండ్ల ప్రదర్శనను ఉగాది వేళ నిర్వహించడం అభినందనీయమని పేర్కొన్నారు. ఈ కార్యక్రమాన్ని ఏర్పాటు చేసిన ఎర్రవాడ కుటుంబ సభ్యులను ప్రత్యేకంగా అభినందించారు. ఈ కార్యక్రమంలో గజ్వేల్ ప్రజ్ఞాపూర్ మున్సిపల్ చైర్ పర్సన్ చందన రవి, వైస్ చైర్ పర్సన్ కళ్యాణ్ కార్ పద్మ భాయి నర్సింగ్ రావు, కౌన్సిలర్ శ్రీధర్, బిఆర్ఎస్ నాయకులు బొగ్గుల సురేశ్, ప్రజాప్రతినిధులు, నాయకులు, ప్రజలు, తదితరులు పాల్గొన్నారు.
